ادرس في 3 من أفضل جامعات العالم.. من منزلك ودون أي تكلفة | Internet Life انترنت لايف
Find us on Google+TwitterFacebookRSSانترنت لايفعن انترنت لايفتواصل معاناادرس في
3 من أفضل جامعات العالم.. من منزلك ودون أي تكلفةEmailShareinShare46 1464إيه رأيك
لو قلنالك إن فيه فرصة تدرس في جامعة Harvard؟
وفرصة كمان في معهد ماسشتيوتس للعلوم والتكنولوجيا MIT؟
طب الفرصة دي وانت في بيتك تحضر المحاضرات وتتعلم وتتفاعل مع الدكاترة وتمتحن.. كله
اونلاين!
، وإيه رأيك كمان الفرصة دي من غير ماتدفع ولا مليم؟
مش بنهزر.. بنتكلم جد
بعد شراكة تمت بين Harvard & MIT .. في مايو 2012 تم إطلاق جامعة إلكترونية غير
هادفة للربح يتم الدراسة فيها عبر الإنترنت، أسموها edX University
تعد Harvard و MIT من أفضل جامعات العالم في تقديم تعليم عملي وتفاعلي وتكنولوجي،
غير أن MIT لها سابقة في وضع موادها التعليمية على موقعها على الإنترنت، والشهر ده
“يوليو 2012″ انضم ليهم كمان واحدة من أفضل الجامعات في أمريكا وهي UC Berekely.
تم الإتفاق بينهم على تدريس 7 كورسات حاليا بجامعة edX.. هم:
- Health in Numbers: Quantitative Methods in Clinical and Public Health Research
- Computer Science 50
By: Harvard
- Introduction to Computer Science and Programming
- Introduction to Solid State Chemistry
- Circuits and Electronics
By: MIT
- Artificial Intelligence
- Software as a Service
By: Berkeley
على أن يتم إضافة المزيد من الكورسات لاحقاً.. (نأمل أن يقدموا ما يناسب تخصصات
أخرى في القريب).
بالنسبة لنظام الدراسة في edX فالكورسات يقدمها أساتذة تلك الجماعات الثلاثة
بأنفسهم “كل كورس مقدم من جامعة واحدة”، الطلبة اللي هيدرسوا في جامعة edX هيكون ده
من خلال فيديو وبث مباشر، وهيكون فيه إختبارات منتصف التيرم mid-term وامتحانات
نهائية final exams، وإمكانية الدخول على منتدى للأسئلة والنقاشات، وموقع الدراسة
مصمم لوجود معامل إفتراضية وأنشطة تفاعلية.. ويفترض أن يقضي الطالب 10 ساعات في
الإسبوع اونلاين.
.. تبدأ الدراسة هذا العام في 24 سبتمبر (في بعض الكورسات والبعض الآخر يبدأ في
أكتوبر 2012)، وهيكون فيه شهادة يحصل عليها الطلاب في الكورس اللي سجلوا فيه، بشرط
أن يكونوا فعالين.
زي ما بيقولوا كده:
We aim to extend their collective reach to build a global community of online
learners and to improve education for everyone
هم هدفهم من جامعة edX إن المعلومات ماتبقاش حكر على أحد، واننا ممكن نخلق مجتمع من
المتعلمين من خلال الإنترنت تتوفر فيه المعلومات للجميع ودون عوائق مكان أو حصول
على جنسية أو توافر مادة تعليمية ومدرس خبير.
تعرف على تفاصيل الكورسات، و ابدأ التسجيل قبل بدأ الدراسة.. من خلال موقع الجامعة
www.edx.org
(نقلا عن موقع internet-life.org)
كورسات في تخصصات نادرة من 16 جامعة حول العالم، وبدون أي تكلفة | Internet Life انترنت لايف
Find us on Google+TwitterFacebookRSSانترنت لايفعن انترنت لايفتواصل معاناكورسات
في تخصصات نادرة من 16 جامعة حول العالم، وبدون أي تكلفةEmailShareinShare62 1332لو
قولنالك إيه رأيك.. تحب تدرس كورس.. “خيال علمي”؟
وللا كورس “ذكاء اصطناعي”؟
أو تدرس “علم نفس” على إيد دكاترة أجانب؟
أو كورس عن “الإستدامة البيئية”، أو “صناعة الألعاب”؟
إيه ده إيه ده.. هي الحاجات دي موجودة في مصر!!!
في الوطن العربي!!
الكورسات دي وأكتر منها موجوده في أكبر موقع للتعلم الإلكتروني هو موقع Coursera
موقع “كورسيرا” بيعتمد على تقديم دورات تدريبية Courses مش بيعتمد على التعليم
بنظام السنوات أو التيرم
هتلاقيهم مقسمين الكورسات -أكتر من 100 كورس متنوع موجود حالياً- لـ 16 تصنيف:
بين الأحياء وعلوم الحاسب والإقتصاد والرياضيات والطب والصيدلة
وإدارة الأعمال والتعليم والعلوم الإنسانية والتاريخ والهندسة والفيزياء
والتكنولوجيا
الكورسات دي اللي بيقدمها أساتذة ودكاتره من أفضل الجامعات في العالم.. هم حاليا 16
جامعة
مابين جامعة ستانفورد وميتشجان و داك وجامعة إدنبرج وكالتك “اللي بيشتغل فيها دكتور
أحمد زويل و د. عصام حجي”
وجامعة واشنطن و فيرجينيا و تورونتو.. كل جامعة بتقدم كورس أو مجموعة كورسات
طب نظام الكورسات دي إيه؟
انت بتختار التصنيف Category اللي انت مهتم بيه.. أو تشوف الكورسات الموجودة كلها،
أو بالضغط على لوجو الجامعة بتقدر تشوف الكورسات اللي هي بتقدمها
وتختار الكورس اللي انت عاوز تدرسه، وتعرف التفاصيل بتاعته:
“هيبدأ امته. وعدد ساعات الدراسة. مين هيقدمه. تفاصيل منهج الكورس والإمتحانات…”
وبمجرد ماتسجل فيه Sign-Up هم هيتواصلوا معاك مع بداية موعد الكورس، وممكن تدرس
كورس تم بالفعل.
طب إيه مميزات الكورس نفسه أو هو عامل إزاي؟
- الكورس بيكون عبارة عن دروس فيديو متقسمه على عدد دقائق.. يعني الإسبوع الواحد
ممكن يبقى فيه 4 أو 5 دروس، مدة الدرس الواحد بين 10 لـ 25 دقيقة.
- الفيديو نفسه بيكون جواه أسئلة وانت تجاوب عليها.. بحيث تصحصح وانت بتتفرج
- الفيديو كمان فيه ميزة caption الوصف اللي بيتقال في الفيديو، يعني لو الدكتور
بيشرح بالإنجليزي، ممكن تختار Caption اللغة الإنجليزية.. كده هتبقى شايفه وبتسمعه،
وكمان شايف الكلام مكتوب قصادك.
- في الفيديو كمان ميزة تسريع أو تبطيئ الكلام.. بحيث تختار الطريقة اللي تناسبك
وتقدر تحصّل بيها المعلومات بشكل كويس.
- الكورس بيكون متاح معاه المادة التدريبية Materials العروض التقديمية والوصف اللي
في الفيديو.
- بالإضافة إلى إن أغلب الكورسات بيكون فيها تعليم تفاعلي.. بمعنى انه بيوديك
زيارات خارجية “طبعاً انت بتشوفها وانت مكانك وده حسب نوع الكورس” أو يورريك نماذج
Maquette شرح ومصادر تعليمية
بحيث تستوعب المادة بشكل أفضل، وكمان منتدى للأسئلة والنقاش مع الطلبة اللي بيحضروا
الكورس والأساتذة ولقاءات معهم في بعض الأحيان.
- بيكون فيه Quizzes وامتحانات وطبعاً لو التزمت بمواعيد المنهج بتاخد شهادة من
الجامعة اللي قدمت الكورس “حسب طبيعة كل كورس”.
وطبعاً كل الكورسات بتتقدم على موقع Coursera.org بالمجان.. زي مابتقول مؤسِسة
الموقع وهي أستاذ علوم الحاسب بجامعة ستانفورد.:
ربما يكون هناك شاب في أفريقيا.. “أينشتاين” جديد أو “بيل جيتس” آخر، ولكنه لايجد
فرصة للتعليم في تلك الجامعات، نحن نتيح له تلك الفرصة.
هاااا.. لسه شايف إن فيه عقبات قصادك عشان تتعلم اللي انت بتحبه! لو نويت بجد تدرس
اونلاين على كورسيرا.. قوللنا اخترت أي كورس تبدأ بيه؟
(نقلا عن موقع internet-life.org)
